Encontro de Tecnoloxía e Patrimonio

Pontevedra. Setembro/2017

 

 
 
TEK_HOME_2017_DARK.gif

BURGO_TEK_VR.jpg

Viaxamos ao pasado para inventar o futuro.

Programación

 
 
TEK_HOME_2017_GREEN.jpg
cuadrado-tek.jpg

realidade virtual + PATRIMONIO fotográfico

Unha viaxe virtual á Pontevedra do século XX. No workshop de VR + Patrimonio aprenderemos a dixitalizar fotografías antigas e a mesturalas con panorámicas actuais para convertelas en imaxes inmersivas que poidan verse en 360, sacándolle o máximo partido ás posibilidades da VR para reconstruír o patrimonio das cidades. Ver máis.

organ_tek.jpg

HOMENAXE AOS 'TEKIS' DO SÉCULO XX

O TEK-FEST quere reivindicar o patrimonio e o legado dos inventores galegos. O protagonista da homenaxe este ano é o finado inventor compostelán Juan Portela Seijo, pioneiro na enxeñaría acústica e audiovisual que patentou inventos como o Organ Sound, o mítico altofalante feito a base de cilindros e inspirado nos tubos do órgano da Catedral de Santiago.  

Reconstruímos o Organ Sound da man de Miguel Espada e propoñemos unha viaxe sonora do pasado ao futuro con Viktor Flores DJ e o pianista Daniel Ruiz-Cecconello. Ver máis

 
circulo_tek.jpg

MOSTRA VR. CONTIDOS INTERNACIONAIS EN REALIDADE VIRTUAL

O TEK-FEST acollerá a Mostra VR, unha selección internacional dos mellores contidos en realidade virtual, co foco posto nos contidos experimentais e naqueles relacionados coa memoria e co patrimonio. 

Tamén se poderán ver pezas realizadas na contorna de Pontevedra, así como os traballos que saian do workshop de VR + Patrimonio Fotográfico. Ver máis. 

calor + memoria téxtil da cidade

Un proxecto a medio camiño entre a arte e o deseño centrado na creación de superficies e tecidos, combinando procesos tradicionais e novas tecnoloxías. Traballando a partir do patrimonio téxtil da cidade xorde esta proposta de traballo en superficies de tecidos e materiais termoplásticos a través de procesos de aillamento + transformación + ritmo + fusión + adhesión. Workshop e conferencia con Arantza Vilas de Pinaki Studios. Ver máis.

Horarios

 
 
 

Mostra VR

(Entrada gratuíta)

Vestíbulo do Museo de Pontevedra.

Aberta de 17h a 21h o martes 26, mércores 27, xoves 28 e venres 29, e o sábado de 11h a 14h e de 17h a 21h.  

Unha selección internacional dos mellores contidos en realidade virtual, co foco posto nos contidos experimentais e naqueles relacionados coa moda e co patrimonio.

Workshops

(Pechados, todas as prazas cubertas)

Casa das Campás, do 25 ao 29 de setembro.

Realidade virtual + patrimonio fotográfico da cidade

Con Bermudas Land.

 

Esdemga, do 26 ao 29 de setembro.

Calor + memoria téxtil da cidade

Con Arantza Vilas de Pinaki Studios.

 

Actividades

(Todas teñen entrada libre ata completar aforo)

Martes. Museo de Pontevedra. 17h.

Inauguración do TEK-FEST

Presentación dos contidos da Mostra Internacional de Realidade Virtual e Patrimonio e primeiro visionado das pezas.

 

Mércores. Casa da Luz. 19h.

conferencia de arantza vilas

Pinaki Studios: un estudio téxtil que navega entre os mundos da arte e do diseño. Un percorrido por algúns dos proxectos desenvolvidos polo estudio: tecidos para vestiario de cine e televisión, insectos xigantes e chocolate plisado.

 

Xoves. Museo de Pontevedra. 19h.

DEMO: PATRIMONIO VIRTUAL DE PONTEVEDRA

Presentación de traballos realizados no workshop de Realidade Virtual e Patrimonio: fotografías antigas da área de Pontevedra mesturadas con panorámicas 360º/3D actuais.

 

Venres. Casa da Luz. 17h.

Encontro: festivais e culturas de vangarda

Mesa redonda con festivais e iniciativas relacionadas coa vangarda musical, audiovisual e dixital: SinSal, WOS, Carballo Interplay, Novos Cinemas, S8, Coruña Dixital.

 

Venres. Museo de Pontevedra. 19h.

Homenaxe aos Tekis galegos. O renacemento do Organ Sound.

Acto de homenaxe a Juan Portela Seijo, inventor do Organ Sound, coa presenza dos seus familiares, e escoita directa deste pioneiro altofalante tubular do que quedan xa poucos exemplares. Presentación da nova versión do Organ Sound, deseñado polo artista Miguel Espada. Sesión de escoita con Viktor Flores, DJ, que fará unha selección musical para que disfrutemos en directo da extraordinaria calidade sonora do Organ Sound.

 

Sábado 30. 12:30h. Ruínas de San Domingos.

Performance Musical co Organ Sound.

Concerto do pianista Daniel Ruiz-Cecconello, que interpretará un repertorio clásico mesturado con electroacústica baseado en Bach, coa inspiración de Wendy Carlos, pioneira da síntese modular dos anos 60. O repertorio incluirá pezas doutros compositores como Scarlatti, Debussy ou Martín Códax.

Neste concerto as persoas asistentes poderán disfrutar da capacidade acústica do Organ Sound amplificando música en directo nun lugar tan especial como as Ruínas de San Domingos.